Diario de Eng.'Mohamed', 17 oct. 23

عااااااش العيش دا هو مصيبه كبيرة انا منعاه بقالى حوالى شهر وبلاقى نتيجه كويسه جدا من حيث المقاسات والوزن  

اه فعلا العيش والسكر لما تمنعهم من حياتك هتلاقي الفرق كبير جدا طبعا في ناس هتقول المنع النهائي غلط انا مقصدش منع نهائي بس يعني مش لازم كل يوم تاكل عيش ومعجنات وتاخد سكر عود نفسك ان يومك وحياتك العادي بدونهم وكده كده هتلاقي كل فترة بتاخد عيش وسكر عادي بس كل فترة كبيرة فعلا منع وتقليل العيش والسكر بيعمل فرق جامد في ضبط الوزن  

هقولك حاجه انا من الناس اللى كنت بقول مستحيل انى امنع العيش ازاى مش هشبع بس سبحان الله اخدتها واحده واحده وقللت ونوعت لحد ما بقيت بعتمد على البروتين والخضروات وفعلا حسيت بفرق كبير في الوزن والمقاسات وكمان الشبع اما السكريات اكيد طبعا منعاها بس مفيش مانع لو نفسي جت لحاجه باكل منها قطعه صغيرة كدا بس علشان ممنعش نفسي من اى حاجه ومحرمهاش لان مع الحرمان ممكن الوزن والجسم يعاند ويزيد اكتر 

مظبوط برافو احنا بنظبط عادات قديمة بس ناس كتير متعودة لازم تاكل عيش فاليوم اي نوع بقه عشان كده مع الوقت اه لامانع بس ميبقاش لازم كل يوم معجنات وعيش انت بتتعامل معاه زي مثلا مش لازم كل يوم تاكل مكرونه او رز التنوع حلو فأي حاجه بتزيد وبتكون بس شاطرة فعلا انك عرفتي تسيطري علي موضوع العيش والفرق علي فكرة كمان مش وزن بس انت بتحس نفسك خفيف وعندك طاقة