عادي وتقدر
أنا نزلت 41 في خمس شهور ومش محروم أوي يعني
المهم انك تعرف ان الوزن اللي كشبته في سنين ما ينفعش تخسره في أسبوعين
بالتوفيق
15 sep. 18 por el miembro: Ahmed NE
|
15 sep. 18 por el miembro: alaa_adel5216
|
Ahmed NE نفسى والله انشالله حتى انزلهم فى سنه
15 sep. 18 por el miembro: abuelsououd
|
بداية لازم تفهم ان مفيش رياضة ممكن تخسس لوحدها ولازم تنظم أكلك
احسب أكلك العادي لمدة أسبوع ومنه احسب متوسط السعرات اليومية وكذلك احسب ال bmi بتاعك
بعد كده قلل من 500 الى 1000 سعرة يوميا وكل يوم تقلل أكتر شوية لحد ما توصل لأقل من ال bmi بخمسمائة
أنا لما كان وزني 140 كيلو
كنت باكل سعرات 6000 يوميا على الأقل
النهاردة الحمد لله في اليوم الفري باكل 2300 وأحيانا مش بقدر أخلصهم
أكتر حاجة ساعدتني هي اني قررت من البداية أمنع السكريات والمخبوزات بكل أنواعها وكنت باكلها في المناسبات بس
لكن لو مش هتقدر ممكن تقلل السكر تدريجيا وتستخدم بدائل
أنا نظامي الغذائي حر وباكل كل حاجة عدا السكر المضاف والمخبوزات وكمان المقليات باكلها بكميات قليلة جدا
أيا كان نظامك الغذائي لازم ماتحرمش نفسك بشدة ولازم تقلل سعراتك عن اللي جسمك محتاجه يوميا ولازم ماتكلش باستمرار يعني تصوم عن الأكل ولو فترات قليلة وماتكلش غير لما تحس بالجوع
كمان حاول تخلي الأكل الصحي والخشار والفاكهة والأكل البيتي النسبة الأكبر من أكلك
يعني أي حاجة طالعة من مصنع قللها أو بطلها لو تقدر من غير شعور بالحرمان
15 sep. 18 por el miembro: Ahmed NE
|
كمان غير عادات الأكل
مفيش أكل في الشارع
مفيش أكل عالواقف أو تخطيف
لازم تمضغ الطعام كويس
اشرب ماء كتير قبل الأكل
زود الخضروات جدا لو نظامك يسمح
استعين بالأطعمة والمشروبات اللي بتشبع بشدة
استمتع بالنظام الغذائي باعتباره تغيير ايجابي وطعم جديد في حياتك مش هم وغم ودواء مر
أي حاجة ماتمشيش مع نظامك شيلها من المطبخ والتلاجة
15 sep. 18 por el miembro: Ahmed NE
|
بالارادة والصبر ..قلل سعراتك وامتنع عن اي شي نشويات خبز ورز ومعكرونة وحلويات كمان والصبر ب5 او 6 شهور توصل الى الي تريده
15 sep. 18 por el miembro: shaimmaa3
|
انا عايزة اعرف مفروض اكلي يتضمن كارب اد ايه وفات اد ايه
15 sep. 18 por el miembro: manou madkour
|
ادعولي بالتوفيق المشوار طويل قدامى اوى
15 sep. 18 por el miembro: abuelsououd
|
انا فعلا امتنعت عن الكاربز والسكريات والفات بجميع انواعهم
15 sep. 18 por el miembro: abuelsououd
|
ممتاز انك منعتهم
لازم تصبر شوية لأن النتيجة الفعلية ممكن تاخد وقت
أنا في الأول فضلت أسبوعين منزلتش جرام لكن الشهر اللي بعدهم نزلت حوالي 12 كيلو مرة واحدة
ربنا يوفقك
16 sep. 18 por el miembro: Ahmed NE
|
manou
لو نظامك مش منخفض الكارب يبقى الكارب بيمثل بين 40 و 60 بالمائة من الكالوريز بتاعتك
مشكلة الكارب انه عند معظم الناس بيزود الشعور بالجوع ومشاكل المعدة وفي الحالة دي أنظمة زي الكيتو بتريحهم
لكن في كل الأحوال الجسم بيحتاج نسبة كارب يعني مينفعش مثلا تقطعي الكارب خالص لشهور
الفات مهم لحرق دهون الجسم وعمليات حيوية كتير يعني مينفعش تقطعيه أو تقلليه زياده عن اللزوم بالعكس بعض الأنظمة زي الكيتو بتعتمد عليه
الفات الأفضل يكون من 0.6 الى 1.4 جرام فات لكل كيلوجرام من وزنك. طبعا لو بتعملي ريجيم خليكي عند النهاية الدنيا مش العليا
بالتوفيق
16 sep. 18 por el miembro: Ahmed NE
|
بلاش تقول انا عايز انزل 50ك
انا كنت 150ك ومحتاجه اوصل لل65 يعني المفروض انزل 85ك
نظريا ومعنويا وكل حاجه الكلام ده مستحيييل
يعني هنزل اكتر من وزن نص جسمي
حددت اهداف صغيره على شان اعرف احققها كل هدف بيكون 10 او 15 ك بالكتير وبقول عايزه انزلهم في شهرين او تلاته
والحمد لله نزلت 40ك
في الفتره من شهر 2 لشهر 7
وبعدها اتجوزت زدت طبعا
حددت هدف تاني صغير و ماشيه عليه وان شاء الله مستمريين 👍😍😍😍😍😍😍💪💪💪💪
16 sep. 18 por el miembro: BASSMA_RAYAN
|
في قناة على اليوتيوب اسمها اسرار التخسيس فيها رجيمات سهله ومضمونه
16 sep. 18 por el miembro: rattrred
|
شكرا جدا لدعمكم الجامد دا انتوا بجد ناس محترمين
16 sep. 18 por el miembro: abuelsououd
|
طب الصداع المستمر دا سببه منع السكريات ولا ايه السبب ؟
16 sep. 18 por el miembro: abuelsououd
|
لو انت كيتو ومانع السكريات تماما
انت كدا عندك نقص املاح
لازم تاخد مشروب الطاقه
كوب ماء عليه ملعقة ملح ابيض صغيرة وعصير ليمونه
وكمان تاخد قرص ماغنسيوم بلاس
ده لازم تاخده يوميا
ومش هتكمل ربع ساعه والصداع هيختفي تماما
بس ابدأ بمشروب الطاقة اهم حاجة
16 sep. 18 por el miembro: BASSMA_RAYAN
|
وبالإضافة لكلام أستاذة بسمة إشرب ماء كتيييييير
كان ملازمني الصداع واكتشفت اني بطبعي ماكنتش بشرب كفاية وبعتمد على الماء في الشاي والقهوة فقط
على فكرة ممكن تضيف الماء في البرنامج علشان يشجعك
16 sep. 18 por el miembro: Ahmed NE
|
انا كذلك وزني 142 وليا سنتين احاول ولم ايأس وان شاء الله نحقق الأماني عليك بعزيمة صادقة والدعاء بالتوفيق ونفذ
وكلام الشباب جيد لكن اهتم بالذات الفيتامينات والمعادن لأنه نقصها راح يضر ببدنك واي شخص يتخذ حمية راح يقصر في هذا لذلك انصح باستشارة أخصائي تغذية يضع لك خطة ناجحة تسير عليها احسن ماتمشي لحالك لأنه الرجيم الغير موزون يضر خاصة لمن هم أوزانهم زينا مرتفعة والأمر لايكون فقط الصداع وإنما يصل لتساقط الشعر والأم في المفاصل وحرارة الخ عشان كذا اختصر الموضوع واستشير أخصائي الوقاية خير من علاج كل الشباب يحكون تجارب لهم ومعلوم تباين الأبدان خاصة حريم ورجال ففيسلوجيا الجسم تختلف تماما هذه نصيحة من
مجرب للرجيمات سنين
والله يوفقك ولاتستعجل النتائج
16 sep. 18 por el miembro: grbh.10
|